留意返, 1張期權既合約未必等於股票1手正股數目
例如: 亞里巴巴1張期權 = 500股, 大於1手100股
詳情睇港交所股票期權資料,
https://www.hkex.com.hk/Products/Listed-Derivatives/Single-Stock/Stock-Options?sc_lang=zh-HK
唔係86隻股票期權都成交活躍, 有D 好少成交, 買賣差價好闊, DD股票期權就最好避免
股票期權交易時間同正股一樣: 上午9時30分至中午12時正及下午1時正至下午4時正
到期日: 到期月份尾二個交易日
結算價: 股票的到期日收市價為結算價
行使方式（美式） : 期權持有人可於任何營業日（包括最後交易日）的下午6時45 分之前(個別證券行安排不一樣)隨時行使
美式期權即係話期權持有人, Long Put 或者 Long Call 可於到期前任何時間行使,
Long Put 就用行使價賣出股票, Long Call 就用行使價買入股票
行使期權費用每張: $2
港交所交易費用每張: 第一類 港幣3.00
第二類 港幣1.00
第三類 港幣0.50
想知邊隻股票期權係邊類, 可以睇返下面港交所條link
https://www.hkex.com.hk/Products/Listed-Derivatives/Single-Stock/Stock-Options?sc_lang=zh-HK
股票期權佣金, 揀左香港幾間證券行做比較:
耀才證券 - 期權金 x 0.18%或最低HK$30，以較高者為準
時富金融 - 期權金 x 0.25%，最低HK$100
致富證券 - 期權金 x 0.25%，最低HK$50
輝立證券 - 期權金 x 0.25%，最低HK$100
富途證券 - 期權金 x 0.2%，最低HK$3 + HK$15平台使用費
一通 - 五張合約或以下，每張合約5元
超過五張合約，每張合約5元或總權金0.1%（不足1元收1元）較低者，最低收費30元
IB - 期權金 x 0.2%, 最低HK$18
交收: 期權行使時以正股交收，交收期如下：
T+1 （繳付所有期權金）或
T+2 （行使後交收股票）
股票期權係實物交收, 即係話到期行使或比行使時你係要買入或賣出股票
如果唔想有股票交收, 就要係到期日或之前平倉
以下係耀才證劵資料, 有需要可以停低慢慢睇:
3. 行使及結算事項：
3.1 股票期權買賣以現金交收(T+1)，股票期權行使時則以正股實貨交收(T+2)。
3.2 香港股票期權為美式期權，持有人可於到期前任何時間行使。
3.3 客戶若需行使其股票期權(Long Call 或 Long Put)，客戶必須於下午 4:00 前致電本公司下達行使指示。逾時則不獲處理，並需於下一個工作天下午 4:00 前再致電本公司下達行使指示。
3.4 若客戶持有認購或認沽期權長倉(Long Call 或 Long Put)，於到期日之前還未遞交任何行使股票期權指示，在到期時，若期權的價內值是行使價1.5%或以上的都會被結算所自動行使，此價內觸發百分比以聯交所期權結算所公佈為準。若客戶需取消自動行使，必須在到期日下午 4:00 前致電本公司之客戶服務部下達取消自動行使指示。
3.5 由於本公司沒有責任詢問客戶會否行使期權，因此持有價內期權的客戶需自行向本公司下達行使指示。
3.6 若客戶所沽出的認購期權(Short Call)被行使，客人需於T+2交收股票。沒有股票抵押之客戶，必須在T+1的下午 3:15 前補購相關正股。本公司有權因應市場狀況於任何時段替客戶以市價買入正股以作股票交收，而毋需事先通知，而客戶需負責所有相關費用。
3.7 若客戶所沽出的認沽期權(Short Put)被行使，客戶有責任以行使價接貨買入正股，客戶之證券戶口在T+1當日必須有足夠金額以行使價接貨。本公司有權因應市場狀況於任何時間替客戶以市價沽出正股，而毋需事先通知，而客戶需負責所有相關費用。
簡單講下期權到期時如果你唔平倉既情況處理, 以下係我自己既經驗同我對條文既理解,
有可能個別證券行處理手法唔一樣, 由其係幾點前要通知行使指示, 大家最好投資前問清楚自己證券行
1) 你持有Long Call, 到期日時係任何價位你想行使的話, 都可以 X點前通知證券行行使
你需要準備足夠金額買貨 (如果唔夠錢的話, 自己經驗係證券行會借比你, 但收好貴息. T+2 交收後即刻自動同你賣左佢填數)
(但間間行唔同, 肯唔肯借, 駛唔駛主動問佢借等等自己了解清楚)
另外港交所有自動行使機制保障價內期權, 如果收市價係價內 1.5% 或以上, 期權會自動行使
你需要準備足夠金額買貨
若果你唔想價內1.5%以上既期權自動行使, 可以 X點前通知證券行取消自動行使
2) 你持有Long Put, 到期日時係任何價位你想行使的話, 都可以 X點前通知證券行行使
你需要準備好相關股票 (如果無股票的話, 自己經驗係證券行會強制幫你買貨, T+2 交收後會扣返買貨既錢, 另加罰款好似係貨值0.5%)
(但間間行處理未必一樣,自己要了解清楚)
另外港交所有自動行使機制保障價內期權, 如果收市價係價內 1.5% 或以上, 期權會自動行使
你需要準備好相關股票出貨
若果你唔想價內1.5%以上既期權自動行使, 可以 X點前通知證券行取消自動行使
3) 你持有Short Call, 基本上係等通知會唔會被行使. 如果到期日收市價係價內1.5%或以上, 99.9%都會被行使
你需要準備好相關股票 (如果無股票抵押的話, 要係 T+1 X點前買貨, 否則證券行會強制幫你買貨, T+2 交收後會扣返買貨既錢,
另加罰款好似係貨值0.5%)
(但間間行處理未必一樣,自己要了解清楚)
關於 Short Call, 好多時有派股息既正股股票期權, 有機會係除淨前被Call 走.
如果你係除淨前被Call 走, 但除淨後即 T+1 先補貨, 你係要補返個股息比人
4) 你持有Short Put, 基本上係等通知會唔會被行使. 如果到期日收市價係價內1.5%或以上, 99.9%都會被行使
你需要準備好足夠金額買貨 (如果唔夠錢的話, 要係 T+1 X點前入錢, 否則證券行會借比你, 但收好貴息, T+2 交收後即刻自動同你賣左佢填數
(但間間行處理未必一樣,自己要了解清楚)
雜項:
1) Covered Call, 有證券行係需要你打電話去講明將股票由股票戶口轉去期權戶口做Covered Call, 免除個按金
2) 遇到正股出現特別情況, 如供股、紅股發行、股票拆細、合併及派發2%或以上的特別股息,
期權合約的行使價及所代表股數亦會作出調整
3) 如果正股停牌,相關股票期權亦會停牌. 若正股在期權結算日依然停牌,
便以正股停牌前的價格作結算價. 價內1.5%或以上會給結算所自動行使, 若客戶沒有相關正股作交收,
便要待正股復牌才能補貨.
4) 遇到結算日打風點算, 因為太多唔同情況, 詳情睇返港交所網站. (颱風、極端情況及黑色暴雨期間的安排, link 係下面)
https://www.hkex.com.hk/Services/Trading-hours-and-Severe-Weather-Arrangements/Severe-Weather-Arrangements/Clearing-and-Settlement?sc_lang=zh-HK
終於做完初級篇, 講晒 D 基本野, 下集返黎講中級篇, 會多少少策略上既分享
No comments:
Post a Comment